E-Com Roundtable: Ýerli önümden dünýä marketpleýslerine çenli

Aýratyn format:

Bu gury leksiýa däl-de, janly Roundtable.

Öz taslamalaryňyzy, ideýalaryňyzy, hakyky mysallaryňyzy we iň çylşyrymly soraglaryňyzy getiriň — olary ýerinde bilelikde seljereris!

👤 Aýratyn myhman we spiker:

Isgender Kerimov — www.ikmaslahat.com -esaslandyryjy, sanly marketing we biznesi ösdürmek boýunça şahadatly maslahatçy.

Öz önümiňiz ýa-da hyzmatyňyz bilen halkara bazaryna çykmagy arzuw edýärsiňizmi, ýöne nireden başlamalydygyny bilmeýärsiňizmi? Sizi Bilelik Hub-da geçiriljek hünärmen tegelek stoluna çagyrýarys. Şu ýerde sanly söwdanyň şu gün nähili işleýändigini we global bazaryň alyplarynda — Amazon, eBay, Etsy, şeýle hem Shopify ýaly öz platformalaryňyz arkaly satuwy başlamak üçin nämeleriň gerekdigini bilelikde seljereris.

Nämeler barada gürleşeris:

• E-Com startapynyň anatomiýasy: Taslamanyň ykdysadyýeti, sanlaryň gabat gelmegi we önümi/hyzmaty bahalandyrmak.

• Özboluşlylyk we masştab: Önümiňizi nädip tapawutlandyrmaly we masştablaşdyrmaga nädip taýýarlanmaly.

• Maýa goýumlar: Wençur maýadarlar nämedir we bu model näme üçin entek Türkmenistanda işlemeýär (we haýsy alternatiwalar bar).

• Satuw tejribesi: Ädimme-ädim barlag sanawy: ýerli bazardan daşarda söwda etmäge başlamak üçin nämeler gerek.
  
  Giriş mugt, öňünden hasaba durmak arkaly!